अदालतले दोषी ठहराएका फरार पक्राउ

नमस्ते खोटाङ संवाददाता–
खोटाङ, पुस २९–जबरजस्ती करणी मुद्दामा अदालतले दोषी ठहराएका फरार पक्राउ परेका छन् । जिल्ला अदालत खोटाङको २०७४ जेठ ७ गतेको फैसलाले दोषी ठहराएका बराहापोखरी गाउँपालिका–१ का ४१ वर्षीय लवजित राईलाई पक्राउ गरी पुस २९ गते अदालतमा बुझाई जेल भुक्तानका लागि कारागार पठाइएको छ ।
जिल्ला प्रहरी कार्यालय खोटाङका प्रवक्ता प्रहरी निरीक्षक बेनु कार्कीका अनुसार राईलाई ललितपुर महालक्ष्मी नगरपालिका–४ मा पुस २७ गते खोटाङ ल्याइएको हो । राईलाई दुई वर्ष पाँच महिना १३ दिनको जेल सजायको फैसला सुनाएको थियो ।