सडक अबरुद्ध गरेको अभियोगमा पक्राउ परेका पूर्व संस्कृति मन्त्री किराती लगायत पाँच जनालाई पाँच दिनको म्याद थप

नमस्ते खोटाङ संवाददाता–
खोटाङ, मङ्सिर २७–सडक अबरुद्ध गरेको अभियोगमा मङ्सिर २६ गते पक्राउ परेका पाँच जनालाई पाँच दिनको म्याद थप गरी प्रहरीले अनुसन्धान बढाएको छ । एमाले अध्यक्ष केपी ओलीको ‘झुलाघाट–चिवाभन्ज्याङ समृद्धिका लागि संकल्प यात्रा’मा अवरोध पु¥याएको आरोपमा हलेसीबाट पक्राउ परेका पूर्व संस्कृति मन्त्री गोपाल किराती लगायत पाँच जनालाई मङ्सिर २६ गते पाँच दिनको म्याद थप गरी अनुसन्धान बढाएको हो ।
प्रहरी नायव उपरीक्षक पुरुषोत्तम खड्काका अनुसार पक्राउ परेका पाँचै जनालाई पाँच दिनको म्याद थप गरी अनुसन्धान बढाइएको छ । उनका अनुसार पूर्व संस्कृति मन्त्री किराती लगायत जनता समाजवादी पार्टी खोटाङका जिल्ल सदस्य राजेश राई, वाइसीयल नगर इन्चार्ज विजय राई र जनता समाजवादी पार्टीका जिल्ला सदस्य गन्धमान राई र नुनथलाबाट नेपाल आदिवासी जनजाति महासंघ खोटाङका महासचिव उदीम चाम्लिङलाई पाँच दिनको म्याद थप गरिएको हो ।