शिक्षा विकास तथा समन्वय इकाइ खोटाङका प्रमुख प्रहरी नियन्त्रणमा

नमस्ते खोटाङ संवाददाता–
खोटाङ, कात्तिक २१–शिक्षा विकास तथा समन्वय इकाइ खोटाङका प्रमुख शैलेन्द्रबहादुर थापालाई प्रहरीले नियन्त्रणमा लिएको छ । घरेलु हिंसा, मानसिक यातना गरेको आरोपमा उनलाई कात्तिक २० गते राती नियन्त्रणमा लिएको हो ।
परिवारकै मौखिक उजुरीको आधारमा उनलाई नियन्त्रणमा लिइएको जिल्ला प्रहरी कार्यालय खोटाङका प्रवक्ता प्रहरी निरीक्षक बेनु कार्कीले बताए । पारिवारिक छलफलपछि नमिलेको खण्डमा हरेलु हिंसामा मुद्दा दायर गरिने कार्कीले सुनाए । परिवार बीच जिल्ला प्रहरी कार्यालयमा छलफल भइरहेको कार्कीले जनाए ।