हलेसी तुवाचुङ नगरपालिकाद्वारा भूकम्प पीडितलाई सहयोग

नमस्ते खोटाङ संवाददाता–
खोटाङ, कात्तिक २०–जाजरकोट केन्द्रबिन्दु बनाएर गएको शक्तिशाली भूकम्प पीडितलाई हलेसी तुवाचुङ नगरपालिकाले ११ लाख, ५१ हजार, एक सय रुपैयाँ सहयोग गरेको छ । नगरपालिकाको कात्तिक १९ गते बसेको कार्यपालिकाको बैठकले निर्णय गरी उक्त सहयोग गरेको हो ।
नगरपालिकाका जनप्रतिनिधि, कर्मचारी र शिक्षकहरुको दुई दिन बराबरको सेवा सुविधा र तलव भत्ता कट्टा गरि प्रधानमन्त्री दैवीप्रकोप उद्धार कोषमा जम्मा गरिएको हलेसी तुवाचुङ नगरपालिका प्रमुख विमला राईले बताइन् ।