हराएकी बृद्धा फेला

नमस्ते खोटाङ संवाददाता–
खोटाङ, कात्तिक १३–कात्तिक ७ गतेदेखि हराएकी दिक्तेल रुपाकोट मझुवागढी नगरपालिका–१५ विजयखर्क बसेरीकी ६८ वर्षीया जैसीमायाँ ढुङ्गाना भेटिएको छ । प्रहरी र आफन्तको खोजतलासको क्रममा दिक्तेल रुपाकोत मझुवागढी नगरपालिका–३ बाम्राङको दिखुवा खोला नजिकै काहुले जङ्गलमा बसिरहेको अवस्थामा कात्तिक १३ गते फेला परेको हो । उनको अवस्था सामान्य रहेको प्रहरीले जनाएको छ ।

कात्तिक ७ गते आफन्तकोमा टिका लगाएर घर फर्किने क्रममा बृद्धा हराएकी थिइन् । श्रीमानसँगै घर फर्किएकी वृद्धा घर नजिकै बाटोमा हराएकी थिइन् । बाटोमा श्रीमान भन्दा केही पछि रहेकी बृद्धा घर नआएपछि खोजतलासका लागि परिवारले प्रहरीमा निवेदन दिएका थिए । उनको खोजीमा प्रहरीले कुकुर समेत परिचालन गरेको थियो ।