विद्युतीय अपराध आरोपमा अनलाइन सञ्चालक पक्राउ

नमस्ते खोटाङ संवाददाता–
खोटाङ, असोज २१–विद्युतीय अपराध अरोपमा एक अनलाइन सञ्चालक पक्राउ परेका छन् । सामाजिक सञ्जालमा जथाभावी लेखेको आरोपमा हलेसी पाटीका सञ्चालक हलेसी तुवाचुङ नगरपालिका–७ का मनोज गिरी पक्राउ परेका हुन् ।
गिरीले सामाजिक सञ्जालमा जथाभावी लेखेको उजुरीपछि पक्राउ गरिएको जिल्ला प्रहरी कार्यालय खोटाङका प्रवक्ता टिकाराम बरालले बताए । गत असोज १९ गते स्थानीय सर्वधन बस्नेतले दिएको जाहेरीको आधारमा असोज २० गते ललितपुरको धापाखेलबाट पक्राउ गरी दिक्तेल ल्याइएको बरालले सुनाए । उनलाई चार दिनको म्याद थप गरी अनुसन्धान बढाइएको बरालले जनाए ।