‘मुन्दुम अन्तर्राष्ट्रिय चित्रकला कार्यशाला तथा कला प्रदर्शनी’मा सहभागी हुन १४ देशका कलाकारहरु दिक्तेल आइपुगे

सविना अछामे–
खोटाङ, असोज १७–‘मुन्दुम अन्तर्राष्ट्रिय चित्रकला कार्यशाला तथा कला प्रदर्शनी’का लागि १४ देशका कलाकारहरु असोज १७ गते दिक्तेल आइपुगेका छन् । दिक्तेल रुपाकोट मझुवागढी नगरपालिकाको कला, संस्कृति र पर्यटन प्रबद्र्धन गर्ने उद्देश्यल असोज १७ देखि २० गतेसम्म आयोजना गरिएको उक्त कार्यक्रमका लागि ४० कलाकार आइपुगेका हुन् ।

महुरेगढी, नुनथाल, मुढे, रमितेडाडाँडा, किरातचौक, दिक्तेलको बेसक्याम्प, त्रिवेणीचौक, शंखरशाख्वा चौकमा विभिन्न समुदाय तथा संघ संस्थाहरुले भव्य स्वागत गरेका थिए । चित्रकलाका लागि नेपाल सहित अष्ट्र्ेलिया, बङ्गलादेश, भुटान, चिन, इजिप्ट, भारत, जापान, लिथुआनिया, लाट्भिया, दक्षिण कोरिया, अमेरिका, युक्रेन, भियत्नामका कलाकारहरु आइपुगेका हुन । असोज १८ गते जालपा र खानीडाँडा, असोज १९ गते मझुवागढी, असोज २० गते भुलभुले र सरस्वती माविमा साङ्गितिक कार्यक्रम सहित चित्रकला प्रदर्शनी गरिने भएको छ । सांगीतिक कार्यक्रमका लागि राजेशपायल राई आउँने छन् ।

नगरपालिका र कलाकार धुन याक्खाको ‘धनु आर्ट स्टुडियो’को संयुक्त आयोजनामा कार्यशाला तथा प्रदर्शनी आयोजना गरिएको कार्यशालाका स्थानीय संयोजक ओजोनबाबु आचार्यले बताए । तीन दिनसम्म कलाकारहरुले कोरेको चित्र दिक्तेल रुपाकोट मझुवागढी नगरपालिकाले संग्रहालय बनाएर राख्ने योजना बनाइएको दिक्तेल रुपाकोट मझुवागढी नगरपालिकाका प्रमुख तीर्थराज भट्टराईले बताए । चित्रकला कार्यशाला तथा प्रदर्शनीका लागि दिक्तेल रुपाकोट मझुवागढी नगरपालिकाले १८ लाख रुपैयाँ विनियोजन गरेको उपप्रमुख विसन राईले बताए ।