पाँच वर्षीया बालिका बलात्कारमा संलग्न पक्राउ

नमस्ते खोटाङ संवाददाता–
खोटाङ, असोज १४–पाँच वर्षीया बालिका बलात्कारमा संलग्न जन्तेढुङ्गा गाउँपालिका–६ दिप्लुङका २४ वर्षीय राजु राई असोज १३ गते राती पक्राउ परेका छन् । असोज १३ गते दिउसो साडे चार बजेतिर बालिकालाई बलात्कारपछि लुकीरहेको अवस्थामा पक्राउ गरिएको हो ।
बालिकाको उदयपुरस्थित जिल्ल अस्पतालमा उपचार भइरहेको जिल्ला प्रहरी कार्यालय खोटाङका प्रवक्ता प्रहरी निरीक्षक टिकाराम बरालले बताए । चिसापानीस्थित प्राथमिक स्वास्थ्य केन्द्रमा उपचार हुन नसकेपछि रेफर गरिएको हो । उनको अवस्थाको बारेमा जानकारी आइनसकेको बरालले सुनाए ।