माओवादीको तीन महिने अभियान : वाइसीयल निर्माणमा तिब्रता

दिनेश राई–
खोटाङ, असोज २३– खोटेहाङ गाउँपालिकामा माओवादी भातृ संगठन वाइसीयलको संगठन निर्माण तिब्र गतिमा बढेको छ । नेकपा माओवादीको तीन महिने अभियान अन्तरगत भातृ संगठनहरु निर्माणमा समेत तिब्रता दिएको हो ।
वडा न २ वाप्लुखामा लक्ष्मण राईको अध्यक्षतामा वडा समिति निर्माण गरिएको छ । त्यस्तै उक्त गाउँपालिकाकै वडा नं ४ बडकादियालेमा रोहित राईको अध्यक्षतामा २१ सदस्य, वडा नं ८ सिम्पानीमा राजेश प्रधानको अध्यक्षतामा २१ सदस्य र वडा नं ९ लिच्कीराम्चेमा रुपेश राईको अध्यक्षतामा ३३ सदस्यीय वडा समिति निर्माण भएको हो । कार्यक्रममा नेकपा माओवादी केन्द्र केन्द्रीय लेखा आयोग अध्यक्ष पेशल खतिवडा, वाइसीयल प्रदेश सदस्य तथा जिल्ला सचिव प्रभात राई लगायत जिल्लास्थित नेताहरुको उपस्थिति थियो । अन्य वडामा पनि वाइसीयल विस्तार गर्ने जिल्ला सचिव प्रभात राईले बताए ।