जनप्रतिनिधिहरुले बुझाएनन सामान

नमस्ते खोटाङ संवाददाता–
खोटाङ, भदौ २१–जिल्लाका केही स्थानीय तहका निवर्तमान जनप्रतिनिधिहरुले लिएको सामान फिर्ता नगरेको गुनासो आएका छन् । हलेसी तुवाहलेसी तुवाचुङ नगरपालिकाका निवर्तमान मेयर इवन राई र दिप्रुङ चुइचुम्मा गाउँपालिकाकी निवर्तमान उपाध्यक्ष सपना राईले लिएको सामान अझै फिर्ता नगरेको खुलासा भएको हो ।
हलेसी तुवाचुङ नगरपालिकाका निवर्तमान प्रमुख इवन राईले नगरपालिकाबाट लिएको क्यामेरा र ल्यापटप फिर्ता गरेका नगरपालिका श्रोतले जनाएको छ । श्रोतका अनुसार क्वाटरका सबै सामानहरु बुझाए पनि एउटा क्यामेरा र ल्यापटप भने अझै नबुझाएको हो । 
दिप्रुङ चुइचुम्माकी निवर्तमान उपाध्यक्ष सपना राईले गाउँपालिकाबाट लिएको एउटा आइफोन बुझाएकी छैनन् । अधिल्लो कार्यकालका जनप्रतिनिधिहरुले अन्य सामान भने बुझाएको गाउँपालिकाका सूचना अधिकारी पिएसपी चाम्लिङले बताए । निवर्तमान प्रमुख राईले लिएको दुई थान ल्यापटपमध्ये एक थान पहिल्यै र एक थान पछि फिर्ता गरेको दाबी गरेका छन् भने उपाध्यक्ष राईले चाहिँ आफूले लिएको आइफोन फुटेको दाबी गर्दे आएकी छन् ।