१५ वर्षीय किशोरद्वारा ६ वर्षीया बालिकालाई जबरजस्ती करणी गरी विष सेवन

नमस्ते खोटाङ संवाददाता–
खोटाङ, साउन २८–ऐसेलुखर्क गाउँपालिका–३ ऐसेलुखर्कका १५ वर्षीय किशोरले ६ वर्षीया बालिकामाथि जबरजस्ती करणी गरी आफैले विष सेवन गरेका छन् । साउन २७ गते दिउसो करिब १२ बजेतिर जबरजस्ती करणी गरी सा“झ ७ बजेतिर विष सेवन गरेका हुन् ।
किशोरलाई ऐसेलुखर्कस्थित प्राथमिक स्वास्थ्य केन्द्रमा सामान्य उपचारपछि थप उपचारका लागि साउन २८ गते काठमाडौं पठाइएको जिल्ला प्रहरी कार्यालय खोटाङका प्रवक्ता प्रहरी निरीक्षक बेनु कार्कीले बताए । यो घटनाको बारेमा साउन २७ गतेदेखि नै अनुुसन्धान सुरु गरिएको कार्कीले सुनाए ।