लम्पी स्किन रोगको विवरण दिन राष्ट्रिय मानवअधिकार आयोगको पत्राचार

नमस्ते खोटाङ संवाददाता–
खोटाङ, साउन २१–राष्ट्रिय मानव अधिकार आयोग कोशी प्रदेश शाखा कार्यालय खोटाङले लम्पी स्किन रोगबारे विवरण दिन सम्वन्धित निकायहरुलाई पत्राचार गरेको छ । भेटेरीनरी अस्पताल तथा पशुसेवा विज्ञ केन्द्र उदयपुर सम्पर्क केन्द्र दिक्तेल र दिक्तेल रुपाकोट मझुवागढी नगरपालिकालाई साउन १९ गते पत्राचार गरेको हो ।
लम्पी स्किनले पु¥याएको क्षति, महामारी नियन्त्रणमा आउँन नसक्नुका कारण, संक्रमित पशुहरुको उपचारको अवस्था, रोगले कति पशु मरे भन्ने क्षति विवरण र यसबाट पीडित किसानलाई क्षतिपूर्ति तथा राहत व्यवस्था छ छैन भनि त्यसबारे सोधनीको पत्राचार गरेको हो । अन्य पालिकाको विवरण भने भेटेरीनरी अस्पताल तथा पशुसेवा विज्ञ केन्द्र उदयपुर सम्पर्क केन्द्र दिक्तेल मार्फत आउँने राष्ट्रिय मानवअधिकार आयोग कोशी प्रदेश सम्पर्क कार्यालय खोटाङकी प्रमुख गीताकुमार दाहालले बताइन् ।