ट्याक्टर दुर्घटनामा युवाको मृत्यु

नमस्ते खोटाङ संवाददाता–
खोटाङ, साउन १२–साउन ११ गते भएको ट्याक्टर दुर्घटनामा एक युवाको मृत्यु भएको छ । खोटेहाङ गाउँपालिकाको सिम्पानीबाट रसुवा जादै गरेको ना ६ ट २४६६ नम्बरको ट्याक्टर मेर्ला भन्ने ठाउँमा दुर्घटना हुदा खोटेहाङ गाउँपालिका–३ सावाकटहरेका २२ वर्षीय पवन तामाङको मृत्यु भएको हो ।
दिउसो करिब साडे १ बजेतिर भएको दुर्घटनामा घाइतेलाई एम्बुलेन्समार्फत धरान लैजादै गर्दा बाटैमा ११ गते राती नै मृत्यु भएको खोटाङका प्रहरी नायव उपरीक्षक मन्जिल मुकारुङले बताए । उनको खोटेहाङ गाउँपालिका–६ इन्द्रेणीपोखरीस्थित अस्पतालमा पोष्टमार्टम गर्ने तयारी भइरहेको छ ।