हलेसी तुवाचुङ नगरपालिकाको सल्लेमा पोखरीमा डुबेर बृद्धको मृत्यु

नमस्ते खोटाङ संवाददाता–
खोटाङ, साउन ३–हलेसी तुवाचुङ नगरपालिका–९ सल्लेमा पोखरीमा डुबेर एक बृद्धको मृत्यु भएको छ । स्थानीय पञ्चकाली पशुपालन समूहले बनाएको सिंचाइ पोखरीमा डुबेर माथिल्लो चिचिङ्गाका ६२ वर्षीय केसरमान राईको साउन २ गते मृत्यु भएको हो ।
दिउसो एक बजेतिर पौडी खेल्ने क्रममा स्थानीय १६ वर्षीय निशान राईले बृद्धलाई पोखरीमा डुबिरहेको अवस्थामा फेला पारेको प्रहरी नायव उपरीक्षक मन्जिल मुकारुङले बताए ।