ऐसेलुखर्क गाउँपालिकामा गोरु काट्ने पाँच जना पक्राउ

नमस्ते खोटाङ संवाददाता–
खोटाङ, साउन २–गोरु काटेको अभियोगमा पाँच जना पक्राउ परेका छन् । ऐसेलुखर्क गाउँपालिका–४ जलश्वरीको रमिडाडाँमा गोरु काट्दै गरेको अवस्थामा उनीहरु पक्राउ परेका हुन् ।
प्रहरी नायव उपरीक्षक मन्जिल मुकारुङका अनुसार जलेश्वरीकी ३४ वर्षीया खिममायाँ तामाङ, २६ वर्षीय दावा तामाङ, २८ वर्षीय मेककुमार तामाङ, २९ वर्षीय बुद्धिमान तामाङ र २६ वर्षीय मोहन तामाङ पक्राउ परेका हुन् । उनीहरुलाई असार ३१ गते पक्राउ गरी साउन १ गते सात दिनको म्याद थप गरी थप अनुसन्धान सुरु गरिएको डिएस्पी मुकारुङले बताए ।