मृग भनेर बन्दुक हान्दा साथीको मृत्यु

नमस्ते खोटाङ संवाददाता–
भोजपुर, असार २६-भोजपुर नगरपालिका–१२ टक्सारमा मृग भनेर भरुवा बन्दुकले हान्दा भोजपुर–१२ टक्सारका १८ वर्षीय दिप्सन प्रधानको ज्यान गएको छ । यो घटना असार २२ गतेको हो ।

जिल्ला प्रहरी कार्यालय भोजपुरका अनुसार  घटनामा संलग्न ६ जनालाई नियन्त्रणमा लिएर अनुसन्धान थालिएको छ । गत असार २२ गते रातिको भए पनि गोली लागेर साथी मरेपछि उनीहरुले खोलाको बगरमा पुरेको पुरेको प्रारम्भिक अनुसन्धानमा खुलेको छ । मानिस हराएको सूचनाको आधारमा अनुसन्धान गर्ने क्रममा असार २५ गते राती उनीहरुलाई प्रहरीले नियन्त्रणमा लिएको हो । बन्दुकले लागेर साथीको मृत्यु भएपछि स्थानीय अखुवा खोलाको बगरमा पुरेको प्रहरीले जनाएको छ । सूचना आउनेसाथ छ जनालाई पक्राउ गरी अनुसन्धान थालिएको प्रहरीको भनाई छ । पुरिएको अवस्थामा फेला परेको शव परीक्षणका लागि जिल्ला अस्पतालमा ल्याइएको छ । मृतकका आफन्तले यही असार २४ गते खोजीको लागि जिल्ला प्रहरी कार्यलयमा उजुरी दिएलगत्तै आरोपितलाई पक्राउ गरिएको हो ।