बाल यौन दुरुपयोगमा पक्राउ परेका कृषि विज्ञ मदन राई धरौटीमा छुटे

नमस्ते खोटाङ संवाददाता–
खोटाङ, जेठ २२–बाल यौन दुरुपयोगमा पक्राउ परेका कृषि विज्ञ मदन राई जेठ २२ गते घरौटीमा छुटेका छन् । आफैले सञ्चालन गरेको शुभम फाउण्डेसनमा अध्ययनरत बालिकालाई यौन दुरुपयोग गरेको अभियोगमा बैशाख २९ गते पक्राउ परेका राईलाई जिल्ला अदालतबाट चार लाख धरौटीमा छुटेका हुन् ।
जिल्ला न्यायधिस शुभाषबाबु पुरीको एकल इजलासले मुद्दा फैसला नभइन्जेलसम्मका लागि धरौटीमा छुटेको जिल्ला प्रहरी कार्यालय खोटाङका प्रहरी निरीक्षक रोमन अर्यालले बताए । राई फाउण्डेसनमा भने जान नपाउने आदेश सुनाइएको छ । जेठ २१ गते सरकारी वकिलको कार्यालयले अदालतमा बालयौन दुरुपयोग अभियोग पत्र दायर गरेको थियो ।