स्कारपियो दुर्घटना हुदा तीन बेपत्ता

नमस्ते खोटाङ संवाददाता–
खोटाङ, जेठ १९–काठमाडौंबाट खोटाङको माहुरेगढी प्राविधिक शिक्षालय आउदै गरेको बा १ झ ७४६७ नम्बरको स्कारपियो जेठ १९ विहान दुर्घटना हुदा तीन जना बेपत्ता भएका छन् । सिन्धुलीको गोलञ्जोर गाउ“पालिका–७ लौकुनमा दुर्घटना भई सुनकोसी नदीमा खस्दा सिटिईभिटी प्रशासन महाशाखाका निर्देशक ५७ वर्षीय कृष्णबहादुर केसी, योजना महाशाखा निर्देशक ५६ वर्षीय यमप्रसाद भुर्तेल र प्राविधिक अधिकृत ३२ वर्षीय भानु पौडेल बेपत्ता भएका हुन् ।
विहान करिब पौने एघार बजेतिर भएको दुर्घटनामा बेपत्ता भएकाहरुको गोताखोर मार्फत खोजी भइरहेको घटनास्थलमा रहेका माहुरेगढी प्राविधिक शिक्षालयका प्रिन्सिपल पष्पराज प्याकुरेलले बताए । गाडीमा चालक सहित चार जना सवार थिए । चालक ३१ वर्षीय चालक कृष्ण चौधरीलाई नियन्त्रणमा लिई घुर्मीस्थित इलाका प्रहरी कार्यालयमा राखिएको खोटाङका डिएस्पी मञ्जिल मुकारुङले बताए । उनलाई सवारी ज्यान केस चलाउँन लागिएको उनले सुनाए ।