दिक्तेलमा रलिङबाट खसेर बालिकाको मृत्यु

नमस्ते खोटाङ संवाददाता–
खोटाङ, जेठ १८–दिक्तेलमा रेलिङबाट खसेर जेठ १८ गते एक बालिकाको मृत्यु भएको छ । दिक्तेल रुपाकोट मझुवागढी नगरपालिका–१ दिक्तेलको रत्नपार्कस्थित सीताराम खत्रीको घरमा डेरा गरेर बस्ने साकेला गाउँपालिका–१ बाँझेच्यानडाडाँका रविन गुरुङकी ५ वर्षीया छोरी रोसनी गुरुङको मृत्युभएको हो ।
जेठ १८ गते बेलुकी करिब ५ बजेतिर दुई तालामाथिको रेलिङबाट खसेकी उनको स्थानीय फेमिली अस्पतालमा उपचारको क्रममा करिब साडे छ बजेतिर मृत्यु भएको प्रहरी नायव उपरीक्षक मन्जिल मुकारुङले बताए ।