साकेला गाउँपालिकामा महिला कृषक समूहलाई बिउपूँजी अनुदान रकम हस्तान्तरण

नमस्ते खोटाङ संवाददाता–
खोटाङ, जेठ १७–साकेला गाउँपालिकाले बहुक्षेत्रीय पोषण कार्यक्रमको बिउपूँजी अनुदान हस्तान्तरण गरेको छ । जेठ १५ गते कार्यक्रम आयोजना गरी उक्त अनुदान हस्तान्तरण गरेका हुन् ।
गाउँपालिका अध्यक्ष रविप्रकाश राईले साकेला गाउँपालिका–४ मात्तिमस्थित समावेशी महिला कृषक समूह साकेला–४ मात्तिमकी अध्यक्ष सरीता राईलाई ६ लाख २५ हजार रुपैंयाँ हस्तान्तरण गरेका हुन् । उक्त रकम समूहमा आबद्ध २५ जना महिला सदस्यलाई जनही २५ हजार रुपैंयाँका दरले पाउँनृ छन् । यसबाट बाख्रा, तरकारी खेती लगायत व्यवसायमा खर्च गर्ने छन् ।
उक्त कार्यक्रमको प्रमुख अतिथिको रुपमा बोल्दै अध्यक्ष राईले समूहले प्राप्त गरेको रकम अवसरको रुपमा लिएर सदुपयोग गर्न आग्रह गरेका छन् ।