युवतीमाथि जबरजस्ती गर्ने विरुद्ध उजुरी

नमस्ते खोटाङ संवाददाता–
खोटाङ, बैशाख २०–दिक्तेल रुपाकोट मझुवागढी नगरपालिका–९ निर्मलीडाडाँका २९ वर्षीय प्रतापजंग राई विरुद्ध जबरजस्ती करणीको उजुरी परेको छ । स्थानीय युवतीलाई बैशाख १८ गते दिउसो स्थानीय जोरअंगेरी जङ्गलमा जबरजस्ती गरेको भन्दै उजुरी परेको हो ।
राई फरार छन् । पीडित युवतीमाथि मरणासन्न हुने गरी घाइते बनाएको र उनको जिल्ला अस्पतालमा उपचार हुन नसकेपछि काठमाडौं रिफर गरिएको प्रहरीले जनाएको छ ।