पहिचान पक्षधरहरुले खानेपानी कार्यालयको साइनबोर्डमा लेखिएको कोसी प्रदेश मेटे

नमस्ते खोटाङ संवाददाता–
खोटाङ, बैशाख १८–पहिचान पक्षधरहरुले खानेपानी तथा सरसफाइ डिभिजन कार्यालय खोटाङको साइनबोर्डमा लेखिएको कोसी प्रदेश मेटेका छन् । संयुक्त संघर्ष समितिमा संलग्नहरुले बैशाख १८ गते विहान मेटेका हुन् ।
बैशाख १३ गते पनि जलश्रोत तथा सिंचाइ विकास डिभिजन कार्यालयको साइनबोर्डमा लेखिएको कोसी प्रदेश मेटेका थिए । सड्यन्त्र पूूर्वक छापामार शैलीमा कोसी प्रदेश नामाङकन गरिएकाले पहिचानको आधारमा पुनःनामाकरण नगरिन्जेल आन्दोलन जारी रहने संयुुक्त संघर्ष समितिका संयोजक युुगसन किरातले बताए । उनका अनुुसार गाउँ गाउँतहसम्म सचेतना सहितको आन्दोलन सुरु गरिएको छ ।