आमाहरुलाई कुटानी पिसानी मिल

प्रकाशित मितिः चैत 24, 2079
882 पटक पढिएको
संवादताता

सविना अछामे–
खोटाङ, चैत २४– हलेसी तुवाचुङ नगरपालिका– ८ धितुङका ४ आमा समुहले कुटानी पिसानी मिल पाएका छन् । उनीहरुको दैनिकीमा सहजता ल्याउन वडाले चैत २३ गते मिल प्रदान गरेको हो ।
चालु आर्थिक वर्ष २०७९÷०८० मा वडाबाट विनियोजित दुई लाख बजेटबाट ४ वटा कुटानी पिसानी मिल खरिद गरेर आमा समूहलाई प्रदान गरिएको वडाध्यक्ष टेकराज राईले बताए ।
वडाले प्रदान गरेको मिल भाडबेंसी, पन्थे, दियाले र नयाँ बस्तीका आमासमूहरुले पाएका छन् । अन्य आमा समूहले पनि माग गरिरहेको हुँदा नगरपालिकासंग समन्वय गरेर आगामी दिनमा मिल उपलब्ध गराइने वडाध्यक्ष राईले बताए । आमाहरुको सहजताका लागि मिल प्रदान गरिएको उनले बताए । कुटानी पिसानी मिल पाएपछि ढिकी–जाँतोले पालो पाउँने भएको छ ।

प्रतिक्रिया दिनुहोस