हलेसी तुवाचुङ नगरपालिकाले मादक पदार्थ सेवन गर्ने शिक्षक, कर्मचारी र स्वास्थ्यकर्मीको परीक्षण गर्ने

सविना अछामे–
खोटाङ, चैत ८–हलेसी तुवाचुङ नगरपालिकामा शिक्षक, कर्मचारी र स्वास्थ्यकर्मी मादक पदार्थ सेवन गर्ने गरेपछि परीक्षण गर्न ब्रेथलाइजर खरिद गर्ने निर्णय भएको छ । नगरपालिका क्षेत्रभित्र कार्यरत शिक्षक, कर्मचारी र स्वास्थ्यकर्मी समेत मादक पदार्थ सेवन गरेर प्रभावकारी सेवा प्रवाह नभएपछि यस्तो निर्णय गरिएको हो ।
नगरप्रमुख विमला राईका अनुसार मादक पदार्थ सेवन गरेर प्रभावकारी सेवा प्रभाव नभएकाले नगरपालिकाको १८ औं कार्यपालिका बैठकले सात वटा ब्रेथलाइजर उपकरण खरिद गर्ने निणर्य गरिएको हो । उक्त उपकरणहरुमध्ये छ वटा प्रहरी चौकीमा र एउटा नगर अस्पतालमा राखेर परीक्षण गरिने राईले बताइन् । मादक पदार्थ सेवन गरेर सार्वजनिकस्थलमा हल्ला गर्ने सेवाग्राहीको समेत परीक्ष्ँण गरिने राईले सुनाइन् ।