होलीको रौनक घट्दै

नमस्ते खोटाङ संवाददाता–
खोटाङ, फागुन २२–यो वर्ष होलीको चहल पहल त्यत्ति देखिएन । स्कुले नानी–बाबुहरु बाहेक अन्य युवाहरु कमै मात्र देखिन्थे । युवा जति विदेश तथा शहरतिर पसेकाले होलीको रौनक घटेको हो ।
युवाहरु घर नबस्नु र बसेकाहरु पनि विभिन्न पेशा व्यवसायमा भएकाले व्यस्तताका कारण होलीको रौनक घट्दै गएको स्थानीयको भनाई छ । होली मनाउँने तरिका पनि परिवर्तन भएकाले बजारमा भिडभाड नदेखिएको हो । कर्मचारी लगायतका भएका युवाहरु होली मनाउ“न रमणीय स्थलतिर जाने भएकाले दिक्तेल बजार रित्तोजस्तै देखिएको स्थानीय गुणराज सैंजू बताउँछन् । विगतका वर्षहरुमा कोरोनाले होली खेल्न छाडेको र त्यसको प्रभाव अहिले पनि रहेको देखिन्छ ।
आर्थिक मन्दीले पनि यो वर्ष होलीको रौनक घटेको हुन सक्ने खोटाङ उद्योग वाणिज्य संघका महासचिव मनोज बजिमयको भनाई छ । यसबाहेक विहेको सिजन भएकाले घरमा भएका युवाजति त्यतातिर व्यस्त भएकाले पनि होलीमा खासै रौनक नदेखिएको बजिमयको भनाई छ ।