पत्रकार चिसाङ शेर्पा पुरस्कृत

सविना अछामे–
खोटाङ, फागुन १४–पत्रकार चिसाङ शेर्पालाई खोटाङ उद्योग वाणिज्य संघले पुरस्कृत गरेको छ । फागुन १३ गते सम्पन्न संघको २५ औं साधारणसभा तथा ११ औं अधिवेशनको अवसरमा शेर्पा पुरस्कृत भएका हुन् ।
संघले स्थापना गरेको ‘आर्थिक पत्रकारिता पुरस्कार’बाट नगद पाँच हजार सहित पुरस्कृत गरिएको हो । खोटाङ उद्योग बाणिज्य संघले हरेक जिल्ला अधिवेसनको अवसरमा उक्त पुरस्कार प्रदान गर्दै आएको छ ।
पत्रकारिताको माध्यमबाट खोटाङको उद्योग व्यवसाय क्षेत्रको विकास र प्रवद्र्घनमा पु¥याएको योगदानको उच्च कदर गर्दै पत्रकार शेर्पालाई पुरस्कार प्रदान गरिएको खोटाङ उद्योग वाणिज्य संघ दिक्तेलका अध्यक्ष उपीनकुमार राईले बताए । वाणिज्य संघको सचिवालय भवन समेत उद्घाटन गरिएको छ । प्रतिनिधिसभा सदस्य रामकुमार राईले उद्घाटन गरेका हुन् ।