दिक्तेल अल्छेढुङ्गा–नेर्पा–दोर्पा चिउरीडाडाँ–रतन्छा बस सञ्चालन

नमस्ते खोटाङ संवाददाता–
खोटाङ, फागुन ११–दिक्तेल अल्छेढुङ्गा–नेर्पा–दोर्पा चिउरीडाडाँ–रतन्छासम्म फागुन ११ बस सञ्चालन सुरु भएको छ । जिल्ला समन्वय समिति खोटाङका प्रमुख सनबहादुर राई, दिक्तेल रुपाकोट मझुवागढी नगरपालिकाका प्रमुख तीर्थराज भट्टराई लगायतका जनप्रतिनिधिहरुको स्थलगत अनुगमन सहित बस सञ्चालनमा आएको हो । दिक्तेलबाट जनप्रतिनिधिहरु सहित रतन्छा बस पुगेपछि भव्य स्वागत गरिएको थियो । बसको भाडा निर्धारण भइनसकेको यातायात व्यवसायी राम हिङमाङले बताए ।