निःशुल्क आँखा जाँच तथा शल्यक्रिया शिविरमा एक हजार बढी आँखा रोगीले सेवा पाए

नमस्ते खोटाङ संवाददाता–
खोटाङ, फागुन ५–दिक्तेल रुपाकोट मझुवागढी नगरपालिका, वीपी कोइराजला लायन्स नेत्र अध्ययन केन्द्र (शिक्षण अस्पताल) महाराजगन्ज काठमाडौं र नेत्रज्योति संघको संयुक्त आयोजनामा भएको आँखा शिविरमा एक हजार बढी आँखा रोगीले सेवा पाएका छन् ।
जिल्ला आयुर्वेद अस्पताल दिक्तेलमा फागुन २ गतेदेखि ४ गतेसम्म भएको निःशुल्क आँखा जाच तथा शल्यक्रिया शिविरमा एक हजार एक सय ३७ जनाले सेवा पाएका हुन् ।
शिविरमा ६४ जनाको आँखाको मोतिविन्दुको शल्यक्रिया, नौ जनाको टेरिजिएम शल्यक्रिया र तीन जनाको इन्ट्रोपियन शल्यक्रिया गरिएको छ । चार सय जनालाई निःशुल्क चश्मा वितरण समित गरिएको छ । हेल्पिङ हेण्ड अस्पताल काठमाडौंको सहयोगमा नेपाल नेत्रज्योति संघ खोटाङ मार्फत चश्मा वितरण गरिएको हो ।