राष्ट्रिय मानव अधिकार आयोगको कार्यालय नसार्न ज्ञापनपत्र बुझाइयो

नमस्ते खोटाङ संवाददात–
खोटाङ, मङ्सिर ११–दिक्तेलमा रहेको राष्ट्रिय मानवअधिकार आयोगको कार्यालय अन्यत्र सार्न लागिएको भन्दै ललितपुरको हरिहर भवनस्थित आयोगको केन्द्रीय कार्यालयमा ज्ञापनपत्र बुझाइएको छ । दिक्तेल रुपाकोट मझुवागढी नगरपालिकाका प्रमुख तीर्थराज भट्टराईको नेतृत्वमा मङ्सिर ११ गते बुझाइएको हो ।

खोटाङ, भोजपुर, ओखलढुङ्गा र सोलुखुम्बुलाई हेर्ने गरी २०६२ सालमा दिक्तेलमा राखिएको आयोगको कार्यालय अन्यत्र सार्ने सूचनापछि ज्ञापनपत्र बुझाइएको नगरप्रमुख भट्टराईले बताए । स्थानीयको मागलाई बेलास्ता गरिए जस्तोसुकै आन्दोलन गर्न पछि नपर्ने भट्टराईले बताए । ज्ञापनपत्र आयोगका अध्यक्ष तपबहादुर मगर, सदस्यहरु मिहिर ठाकुर, मनोज दुवाडी लगायतलाई बुझाएको भट्टराईले सुनाए ।