कारागारबाट भागेका ज्यान मुद्दाका कैदी पक्राउ

नमस्ते खोटाङ संवाददाता-
खोटाङ, मङ्सिर २४–कर्तव्य ज्यानमा दोषी ठहरिएका फरार पक्राउ परेका छन् । दिक्तेल रुपाकोट मझुवागढी नगरपालिका–११ खार्मीका ४९ वर्षीय धनबहादुर तामाङ सोमबार पक्राउ परेका हुन् । जिल्ला अदालत खोटाङले २०६३ फागुन ६ गत वीस वर्ष जेल सजायको फैसला गरेको थियो । तामाङलाई जेल भुक्तानका लागि सोमबारै कारागार पठाइएको छ । तामाङ लगायतले २०६० असोज १५ गते स्थानीय २१ वर्षीय नवराज दाहालको हत्या गरेका थिए । त्यतिखेरै पक्राउ परेका तामाङ पुर्पक्षका लागि थुनामा रहेको बेला २०६२ असार ५ गते माओवादीले कारागार आक्रमणको क्रममा भागेका थिए । लुकेर गाउ“मा बसेका तामाङलाई पक्राउ गरी अदालतमा दाखिला गरी कारागार बठाइउको प्रहरी नायव उपरीक्षक राजकुमार केसीले बताए ।