खोटाङमा रामकुमार राईको अग्रता कायमै

सविना अछामे–
खोटाङ, मङ्सिर ७–खोटाङमा प्रतिनिधिसभाको मत गणनामा गठबन्धनका रामकुमार राईको अग्रता कायम छ । राईले एमालेका विशाल भट्टराईलाई आठ सय २७ मतले पछि पार्दै अग्रता लिएका हुन् ।
पछिल्लो मत परिणाम अनुसार राईको नौ हजार सात सय ३५ र भट्टराईको आठ हजार नौ सय ८ मत छ ।
खोटाङ १ मा पाचकर्ण राईको अग्रता छ । उनले गठबन्धनका वीरबलकाजी राईलाई एक हजार दुई सय ६६ मतले पछि पारेका छन् । पाचकर्णको आठ हजार चार सय ६५ र वीरबलकाजीको सात हजार एक सय ९९ मत छ ।
खोटाङ २ मा भने गठबन्धनकै भूपेन्द्र राईको अग्रता छ । उनले एमालेका रामप्रसाद दङगाललाई एक हजार ७१ मतले पछि पारेका छन् । राईको ११ हजार तीन सय २१ र दङ्गालको दश हजार दुई सय ५० मत छ ।