भोजपुरमा माओवादी अध्यक्ष दाहाल सहभागी हुने कार्यक्रमलाई लक्षित गरी बम विस्फोट, एक घाइते

नमस्ते खोटाङ संवाददाता–
भोजपुर, कात्तिक ३०–भोजपुरको पौवादुङ्मा गाउ“पालिका–३ तिवारी भञ्ज्याङमा सत्ता गठबन्धनको चुनावी सभालाई लक्षित गरी कात्तिक ३० गते बम विस्फोट भएको छ । नेकपा माओवादी केन्द्रका अध्यक्ष पुष्पकमल दाहाल सहभागी भएको सभास्थल नजिकै दिउसो दुई बजेर दश मिनेट जादा बम विस्फोट भएको हो ।
घटनामा अरुण गाउ“पालिका–४ का ३५ वर्षीय सुमन श्रेष्ठ घाइते भएका छन् । उनको देब्रे खुट्टामा चोट लागेको छ । उनको प्रहरी नियन्त्रणमै जिल्ला अस्पताल भोजपुरमा उपचार भइरहेको छ । उनलाई सोधपुछपछि अस्पताल पु¥याइएको हो । उनी नेत्रविक्रम चन्द ‘विप्लव’का कार्यकर्ता हुन सक्ने स्थानीयले बताएका छन् । दाहाल आउनु एक घण्टाअघि नै विस्फोट भइसकेको थियो । सपिङ ब्यागमा टिफिनकारीमा बोकिएको बम विस्फोट भएको स्थानीयले बताएका छन् ।

तस्बिर सौजन्य : विवेक राई