अबरुद्ध टेलिफोन र इन्टरनेट सञ्जालनमा आयो

नमस्ते खोटाङ संवाददाता–
खोटाङ, कात्तिक २१–कात्तिक २० गतेदेखि अबरुद्ध टेलिफोन र इन्टरनेट सञ्चालनमा आएको छ । खोटाङ, ओखलढुङ्गा र सोलुखुम्बुमा अबरुद्ध नेपाल टेलिकमको फोन र इन्टरनेट कात्तिक २१ गते करिब तीन बजेदेखि सञ्चालनमा आएको हो ।
गाइघाटदेखि दिक्तेलसम्मको फाइबरमा समस्या आएका कारण आइतबार दिउसो करिब तीन बजेतिरबाट अबरुद्ध भएको थियो । इन्टरनेट अबरुद्ध भएपछि तीनै जिल्लामा कार्यालयहरुको कामकाज प्रभावित भएको थियो । जिल्ला प्रशासन कार्यालयमा नागरिकता वितरण लगायतका काममा समस्या आएको थियो । खोटाङको बुइपाबाट ओखलढुङ्गा र सोलुखुम्बुमा पनि लिंक गरिएकाले तीनै जिल्लामा फोन र इन्टरनेट अबरुद्ध भएको नेपाल टेलिकम खोटाङका प्रमुख खगेन्द्र बलम्पाकीले बताए ।