इटहरीबाट दिक्तेल आउदै गरेको सुमो दुर्घटना, दुर्घटनामा चार जना घाइते

नमस्ते खोटाङ संवाददाता–
खोटाङ, असोज १७–इटहरीबाट दिक्तेल आउ“दै गरेको सुमो दुर्घटना हुदा चार जना घाइते भएका छन् । प्रदेश १–०२–००१ ज ४०२४ नम्बरको सुमो हलेसी तुवाचुङ नगरपालिका–४ च्यास्मिटारको मेखुखोलामा असोज १७ गते दिउसो साडे दुई बजे दुर्घटना भएको हो ।
दुर्घटनामा मोरङ बेलबारी नगरपालिका–११ का ३८ वर्षीय राजकुमार गुरुङ, उनीकी श्रीमती ३१ वर्षीया अन्जु गुरुङ, छोरी ७ वर्षीया निआशा गुरुङ र सुनसरी इटहरी नगरपालिका–२० का ४० वर्षीय विनोद गुरुङ घाइते भएका हुन् । घाइतेको जिल्ला अस्पताल दिक्तेलमा उपचार भइरहेको र उनीहरुको अवस्था सामान्य रहेको जिल्ला प्रहरी कार्यालय खोटाङका प्रवक्ता प्रहरी निरीक्षक रामबालक रायले बताए । गाडीमा सडक भन्दा करिब सय मिटर तल झरेको रायले बताए । गाडीमा आठ जना सवार थिए ।