हतियार बुझाउन प्रशासनको आग्रह

नमस्ते खोटाङ संवाददाता–
खोटाङ, असोज १४–जिल्ला प्रशासन कार्यालय खोटाङले हतियार बुझाउन सूचना जारी गरेको छ । आगामी मङ्सिर ४ गते हने प्रदेशसभा र प्रतिनिधिसभाको निर्वाचनलाई स्वच्छ, निष्पक्ष र सुरक्षित वातावरणमा सम्पन्न गर्न हतियार बुझाउन असोज १४ गते सूचना जारी गरेको हो ।
सूचना अनुसार आगामी कात्तिक ५ गतेभित्र इजाजत प्राप्त हतियार नजिकका प्रहरी कार्यालयमा बुझाउनु पर्ने उल्लेख छ । बुझाइएको हतियार निर्वाचन सम्पन्न भएको एक हप्तापछि फिर्ता गरिने समेत प्रशासकीय अधिकृत उपेन्द्र राईले हस्ताक्षर गरेको सूचनामा उल्लेख छ ।