ट्याक्टरले किचेर पुरुषको मृत्यु

नमस्ते खोटाङ संवाददाता–
खोटाङ, असोज १२–ट्याक्टरले किचेर एक पुरुषको असोज ११ गते राती मृत्यु भएको छ । दिक्तेलबाट खार्मी भइरहेको प्रदेश १ २०–००३ त १४९२ नम्बरको ट्याक्टरले किचेर दिक्तेल रुपाकोट मझुवागढी नगरपालिका–११ का ५३ वर्षीय टेकबहादुर राईको मृत्यु भएको हो ।
दिक्तेलबाट आफ्नै पसलको सामान लिएर जाने क्रममा दिक्तेल रुपाकोट मझुवागढी नगरपालिका–२ सोल्मामा ट्याक्टरबाट खसेपछि त्यही ठाउ“मा चक्काले किचेको प्रहरीले जनाएको छ । सडक भत्किएको ठाउ“मा उक्त घटना भएको प्रहरी प्रवक्ता प्रहरी निरीक्षक रामवालक रायले बताए । उदयपुर चौदण्डीगढी नगरपालिका–४ घर भएका ट्याक्टर चालक २५ वर्षीय प्रभात राई प्रहरी नियन्त्रणमा छन् । शव पोष्टमार्टमका लागि जिल्ला अस्पताल दिक्तेलमा ल्याइएको छ । मृतकका आफन्त आएपछि पोष्टमार्टम गरिने प्रहरी निरीक्षक रामवालक रायले सुनाए ।