किरात राई यायोक्खामा जमानसेर राई ‘युगसन’

नमस्ते खोटाङ संवाददाता–
खोटाङ, असोज ६–किरात राई यायोक्खा खोटाङको अध्यक्षमा जमानसेर राई ‘युगसन’ चयन भएका छन् । असोज ५ गते दिक्तेलमा सम्पन्न नऔं जिल्ला अधिवेशनले राईलाई निर्विरोध निर्वाचित गरेका हुन् ।
उपाध्यक्षमा इन्द्रकुमार राई ‘नारथुङे’ र रेखा राई, सचिवमा जीवन राई ‘साम्पाङ’, सहसचिवमा समराज राई, इरन राई र प्रताप राई, कोषाध्यक्षमा संगीत राई र सहकोषाध्यक्षमा डार्विन राई निर्वाचित भएका छन् । सदस्यहरुमा जयन्ती राई, सेतुमान राई, राजहरि राई, लङ्कसेर राई, नरेशकुमार राई, समित राई, रामदीप राई, किसनकुमार राई र सौरभ राई चयन भएका छन् ।