यो वर्षको राष्ट्रिय बृक्षरोपण दिवस ‘फूलको पहाड’ निर्माणमा

नमस्ते खोटाङ संवाददाता–
खोटाङ, असार १४–यो वर्षको राष्ट्रिय बृक्षरोपण दिवसमा दिक्तेलको मझुवागढी क्षेत्रमा विरुवा रोपिएको छ । दिक्तेल रुपाकोट मझुवागढी नगरपालिकाको पर्यटकीय मझुवागढी क्षेत्रमा ‘फूलको पहाड’ बनाउ“ने उद्देश्यले फूल जन्य विरुवा रोपिएको हो ।
दिवसको अवसरमा असार ७ गतेदेखि बृक्षरोपण गरिएको हो । यस अवसरमा रुख कमल, कामिनी, असारे, कल्की, ज्याकाराण्डा, कपु, जाइ, धुपी, गुरास, रामबृक्ष, स्वामी लगायतका पा“च सय विरुवा रोपिएको डिभिजन प्रमुख जगदीश रेग्मीले बताए । कालिका भगवती, बुढेश्वरगुफा लगायत मझुवागढी क्षेत्रमा पर्ने पर्यटकीय तथा धार्मिक स्थलको पर्यटन प्रवद्र्धन गर्ने उद्देश्यले फूलको पहाड बनाइने भएको सामुदायिक वन उपभोक्ता महासंघ खोटाङका अध्यक्ष राजेन्द्र राईले बताए ।
मझुवागढी क्षेत्रलाई हेर्न लायक ‘फूलको पहाड’ बनाउ“न सबैसंग सहकार्य गर्ने नगरप्रमुख तीर्थराज भट्टराईले बताए । नगरको धार्मिक तथा पर्यटकीय क्षेत्र भएकाले यसको विकासले पर्यटन प्रबद्र्धन हुने भट्टराईको भनाई छ । हलेसी आउ“ने तीर्थालुलाई मझुवागढी क्षेत्रको कालिका भगवती र बुढेश्वरगुफासम्म ल्याउ“ने योजनाका साथ ‘फूलको पहाड’ बनाउ“ने योजना बनाइएको नगरप्रमुख भट्टराईले बताए ।