जिल्ला समन्वय समितिमा वाम–लोकतान्त्रिक गठबन्धनका प्यानलै विजयी

  • प्रकाशित मितिः जेठ 30, 2079
  • 93 पटक पढिएको
  • संवादताता

नमस्ते खोटाङ संवाददाता–
खोटाङ, जेठ ३०–जिल्ला समन्वय समिति खोटाङको प्रमुख लगायतका सबै पदमा वाम–लोकतान्त्रिक गठबन्धनका प्यानलै विजयी भएका छन् । समन्वय प्रमुखमा जनता समाजवादी पार्टीका सनबहादुर राई र उपप्रमुखमा माओवादी केन्द्रका सुरेश तामाङ विजयी भएका हुन् ।
जेठ ३० गते भएको मतदानमा प्रमुखका उम्मेद्वार राईले १६ मत र एमालेको तर्फबाट उम्मेद्वारी दिएका किशोरकुमार श्रेष्ठले ४ मत ल्याएका छन् । त्यस्तै उपप्रमुखमा तामाङले १६ मत र एमालेको तर्फबाट उम्मेद्वारी दिएकी सन्तोष राईले पनि ४ मत ल्याएकी छन् ।
समन्वय समितिका सदस्यहरुमा वाम–लोकतान्त्रिक गठबन्धनका प्यानलै निर्विरोध भएका छन् । खुला सदस्यमा कांग्रेसका दुर्गाप्रसाद घिमिरे, ज्ञानेन्द्र राई, मोहन सुप्तीहाङ निर्विरोध भएका छन् । त्यस्तै महिला सदस्यमा कांग्रेसकै कला राई, माओवादी केन्द्रकी विष्णुमाया“ राई र नेकपा एकीकृत समाजवादीकी दिलकमारी राई निर्विरोध भएकी हुन् । दलित सदस्यमा पनि माओवादी केन्द्रकी चमेली विश्वकर्मा निर्विरोध भएकी मुख्य निर्वाचन अधिकृतको कार्यालयकी सहायक निर्वाचन अधिकृत प्रतिभा राईले बताइन् । विजयी समन्वय प्रमुख राईलाई मुख्य निर्वाचन अधिकृत मातृकाप्रसाद आचार्यले जेठ ३० गते नै सपथ ग्रहण गराएका छन् ।

photo1 1

प्रतिक्रिया दिनुहोस


सन्चार सदन प्रालि, दिक्तेल खोटाङ

फोन: ०३६-४२०७००

इमेल: [email protected]

Copyright © 2022 - नमस्तेखोटांग डट कम - सर्वाधिकार सुरक्षित