दिक्तेल रुपाकोट मझुवागढीको तीन वडामा माओवादीको नेतृत्व

प्रकाशित मितिः जेठ २, २०७९
1336 पटक पढिएको
संवादताता

सविना अछामे–
खोटाङ, जेठ २–दिक्तेल रुपाकोट मझुवागढी नगरपालिकाको तीन वटा वडामा नेकपा माओवादीले विजय हासिल गरेको छ ।
माओवादीको तर्फबाट वडा नं २ सोल्माको अध्यक्षमा छ सय ७८ मत ल्याएर ध्रुबविक्रम राई विजयी भएका छन् । वडा नं ४ खाल्लेको वडाअध्यक्षमा चार सय ७९ मत ल्याएर खगेन्द्र राई विजयी भएका हुन् । वडा नं ६ नेर्पाको वडाअध्यक्षमा माधव राईले छ सय एक मत ल्याएर विजयी भएका हुन् ।
वडा नं १ दिक्तेलको वडाअध्यक्षमा कांग्रेसका नवराज राई, वडा नं ३ बाम्राङमा एमालेका महेन्द्र राई र वडा नं ५ लफ्याङको वडाअध्यक्षमा कांग्रेसका दिनेश घिमिरे विजयी भएका छन् ।

प्रतिक्रिया दिनुहोस