दिक्तेलमा आगोलागी, पाच घर नष्ट

नमस्ते खोटाङ संवाददाता-
दिक्तेल (खोटाङ) कात्तिक २३–खोटाङको दिक्तेलमा अहिले बिहान आगलागी भएको छ । विहान करिब साडे तीन बजेबाट सुरु भएको आगोले दिक्तेल बजारको रत्नपार्कस्थित अम्बिका बुढाथोकी र कृष्ण श्रेष्ठको घर नष्ट भएको छ ।
आगो नियन्त्रण गर्ने क्रममा अन्य तीन घर भत्काइएको छ । आगो नियन्त्रणका लागि नवीन गुरुङ, रविध्वज राई र राजु श्रेष्ठको घर भत्काइएको छ । आगो पूर्ण रुपमा नियन्त्रणमा आइसकेको छ । आगो नियन्त्रणमा नेपाल प्रहरी, सशस्त्र, सेना तथा स्थानीय खटिरहेका छन् । क्षति विवरण आइनसकेको प्रहरी नायव उपरीक्षक राजकुमर केसीले बताए ।
दिक्तेल रुपाकोट नगरपालिकाको दमकल भने थन्किएर बसेको छ । नगरपालिकाको दमकल चालु नहुदा स्थानीय आक्रोशित बनेका छन् ।