कांग्रेस र माओवादी कार्यकर्ताबीच झडप

नमस्ते खोटाङ संवाददाता–
खोटाङ, बैशाख २९–हलेसी तुवाचुङ नगरपालिकामा माओवादी कार्यकर्तामाथि आक्रमण भएको छ । उक्त पालिकाकाको वडा नं ७ महादेवस्थानस्थित कांग्रेस सभापति केदार राई नेतृत्वको समूहले स्थानीय पदम राईमाथि बैशाख २८ गते दिउसो आक्रमण गरेका हुन् ।
उक्त वडाकै गैरीगुठ घर भएका पदम राई घर जाने क्रममा डाडा“गुठमा आक्रमण गरेको प्रहरीले जनाएको छ । ‘कता हिडेको, कहा“ हिडेको, आफ्नो टोलमा जा’ भन्दै कुटपिट गरेको पदम राईको भनाई छ । उनलाई हलेसीस्थित एक क्लिनिकमा सामान्य उपचारपछि जिल्ला अस्पताल ल्याइएको थियो । उनकालाई समान्य उपचारपछि डिस्चार्ज गरिएको प्रहरी नायव उपरीक्षक उमेश लम्सालले बताए ।