भोजपुरमा वडा सदस्यको उम्मेद्वारमाथि आक्रमण

नमस्ते खोटाङ संवाददाता–
भोजपुर, बैशाख २५–भोजपुरको षडानन्द नगरपालिकामा उम्मेद्वारमाथि आक्रमण भएको छ । उक्त नगरपालिकाको वडा नं–१० साङ्पाङमा वडा सदस्य पदमा एमालेबाट उम्मेद्वारी दिएकी अनिता तामाङमाथि अज्ञात व्यक्तिद्वारा बैशाख २४ गते राती दश बजे आक्रमण भएको हो ।
तामाङको टाउको चोट लागेको छ । स्थानीय स्वास्थ्य संस्थामा उपचारपछि घर फर्किएकी छन् । अनुहारमा मास्क लगाएर आक्रमण गरेकाले आक्रमणकारीको पहिचान हुन नसकेको भोजपुरका प्रहरी नायव उपरीक्षक राजकुमार राईले बताए । राईका अनुसार आक्रमण गर्नेको खोजी भइरहेको छ ।