एमाले जिल्ला सदस्य लगायतले पार्टी छाडे

नमस्ते खोटाङ संवाददाता–
खोटाङ, बैशाख ११–एमाले खोटाङका जिल्ला सदस्य जेपी आचार्य लगायतले पार्टी छाडेका छन् । पार्टीप्रति असन्तुष्ट जनाउदै एमाले जिल्ला कमिटी सदस्य आचार्य लगायत अन्य दुई जनाले समेत पार्टी छाडेका हुन् ।
आचार्य लगायत दिक्तेल रुपाकोट मझुवागढी नगरपालिका सदस्य लालबहादुर खड्का र दिक्तेल रुपाकोट मझुवागढी नगरपालिका–८ बुवालुङ वडा सचिव दानबहादुर चौहानले नेकपा एमाले छाडेको विज्ञप्ती मार्फत जनाएका छन् । उनीहरुले पार्टीप्रति असन्तुष्ट जनाउदै बैशाख ९ गते विज्ञप्ती मार्फत साधारण सदस्य समेत नरहने गरी पार्टी छाडेको घोषणा गरेका हुन् ।