सवारी दुर्घटनामा एकको मृत्यु, दुई घाइते

नमस्ते खोटाङ संवाददाता
खोटाङ, कात्तिक २२–सवारी दुर्घटनामा एकको मृत्यु भएको छ । बाक्सिलाबाट दिक्तेल आउदै गरेको ना १ ज ३६९८ नम्बरको जीप बुधबार राती मुढेमा दुर्घटना हुदा दिक्तेल रुपाकोट मझुवागढी नगरपालिका–१ का ४१ वर्षीय दीपक रसाइलीको मृत्यु भएको हो । दुर्घटनामा अन्य दुई जना घाइते भएका छन् । दिक्तेल रुपाकोट मझुवागढी नगरपालिका–१३ का चालक १९ फुर्वा सेपा र सिन्धुली जरायोटार–४ का २३ वर्षीय रमेश मगर घाइते भएका छन् । उनीहरुको थप उपचारका लागि काठमाडौं पठाइएको प्रहरी नायव उपरीक्षक राजकुमार केसीले बताए । मृतकका शव दिक्तेल अस्पतालको शव गृहमा राखिएको छ । पोष्टमार्टमपछि आफन्तलाई बुझाइने डिएस्पी केसीले बताए ।