कार्यकारी पदमा निर्वाचित गराउन माग गर्दै महिला तथा दलित महिला प्रतिनिधिहरुले ज्ञापन बुझायो

सविना अछामे–
खोटाङ, चैत १५–जिल्लास्थित महिला जनप्रतिनिधिहरुले स्थानीय तहको चुनावमा कार्यकारी पदमा निर्वाचित गराउ“न माग गर्दै राजनीतिक दलहरुलाई ज्ञापन पत्र बुझाएका छन् । महिलालाई कार्यकारी पदमा प्रतिनिधित्व नगराई वर्तमान संविधानको सही कार्यान्वयन हुन नसक्ने भन्दै जिल्लास्थित राजनीतिक दललाई ज्ञापनपत्र बुझाएका हुन् ।
दिप्रुङ चुइचुम्मा गाउ“पालिकामा महिला जनप्रतिनिधिहरुले कार्यकारी पदमा निर्वाचित गर्न माग गर्दै चैत १५ गते ज्ञापन पत्र बुझाएका छन् । उक्त पालिकाका महिला तथा दलित महिला प्रतिनिधिहरुले कांग्रेस पालिका सभापति अमृत गिरी, एमाले पालिका इन्चार्ज लोकेन्द्र राई र माओवादी पालिका उपाध्यक्ष किसन राई समक्ष ज्ञापन बुझाएका हुन् । वर्तमान संविधानको सही कार्यान्वयनका लागि पनि कार्यकारी पदमा पुग्नु पर्ने भएकाले कार्यकारी पदमा पुग्न दलहरुलाई ज्ञापन पत्र बुझाइएको महिला जनप्रतिनिधिहरुले बताएका छन् ।
दिक्तेल रुपाकोट मझुवागढी नगरपालिकाका निर्वाचित महिला तथा दलित महिला जनप्रतिधिले जिल्लास्थित विभिन्न राजनीतिक दललाई ज्ञापन पत्र बुझाएका हुन् । कांग्रेस, एमाले, नेकपा माओवादी केन्द्र र नेकपा एकीकृत समाजवादीलाई चैत ८ गते ज्ञापन–पत्र बुझाएका थिए । आगामी बैशाख ३० गते हुने निर्वाचनमा गाउ“पालिका नगरपािलका प्रमुख र वडाध्यक्षमा महिला तथा दलित महिलालाई जिताउ“नु पर्ने माग गरेका हुन् ।
राजनीतिक दलहरुले स्थानीय तहको प्रमुख पदमा पुरुषलाई मात्र मात्र अवसर दिएको र महिलालाई उपप्रमुख वा सदस्यमा मात्र उठाउने गरेकाले त्यसको अन्त्य गर्दै महिला र दलित महिलालाई निर्णायक पदमा सुनिश्चित गर्न माग गरेको दिक्तेल रुपाकोट मझुवागढी नगरपालिका–१५ विजयखर्ककी महिला वडा सदस्य अनिषा खनालले बताइन् ।
हलेसी तुवाचुङ नगरपालिकाका महिला तथा दलित महिला जनप्रतिनिधिले पनि चैत ५ गते दलका नगर समितिलाई ज्ञापनपत्र बुझाउ“दै निर्णायक पदमा महिलालाई अवसर दिनु पर्ने माग गरेका थिए ।